‘n Generasie gaping

Elke generasie het sy goeie en slegte eienskappe. Ek ontvang so baie hierdie boodskap dat ons generasie is die beste WANT ……… ons kon buite speel en ons kon kinders wees en ons kon in motors ry sonder sitplek gordels en in die strate speel tot laat ens ens ens. Ja dit was fantasties en ja dit was ‘n goeie lewe, maar heeltemal onvanpas vir vandag se kinders. Ons kinders het ander dinge wat net so amazing is, ons het nie die tipe tegnologie gehad wat hulle het nie, ek staan verstom soms om te sien wat die kinders kan doen, hulle kan hulle eie rekenaarspeletjies ontwerp en kodes skryf, hulle maak programme en kry duisende miljoene  mense om daarna te kyk en hulle produkte te koop, daar is kinders wat al baie meer geld gemaak het as van die rykste volwassenes wat ek ken deur tegnologie, goed wat ver bo my vuurmaakplek is. Wanneer ‘n mens so baie lees soos ek besef jy dat elke generasie maar sy vrot gehad het, die tipe goed wat niemand oor wil praat nie soos  ‘n sekere generasie het medisyne en koeldranke gedrink wat vol opium was, vra hoeveel mense het maag en derm kwale a.g.v die tipe goed wat hulle voor 1 jaar oud moes geeet het, kinders was grootgemaak heeltemal anders as ons kinders want dit was normaal. Hoeveel ma’s het gedrink en gerook in swangerskap, want dit was eers in die vroee 70’s bewys dat dit sleg is vir die fetus om te rook gedurende swangerskap, en hoeveel mense het grootgeword waar daar gerook was in die motor, in die huis, winkels, eetplekke, vliegtuie, noem dit. Ek is seker meeste mense sal julle vertel hoe swak hulle longe a.g.v daarvan is. Die feit dat kinders eerder gesien as gehoor mag geword het, het ‘n generasie van onseker volwassenes veroorsaak, wat nie weet of hulle moet praat of stilbly nie.

Ons kinders moet kinders wees in ‘n wereld vol sekspeste, waar kinder pornografie seevier. Ons het nie daardie tipe goed geken nie. Ons was nie bang vir die mense op die pad wat nie kon bestuur nie, want almal se lisensies was reg, elke kar was deur die toets gesit en elke bestuurder was verantwoordelik en almal het die padreëls geken, kan ons dieselfde ding vandag sê? Ons kinders kan nie fietry of selfs loop in die straat nie want daar is te veel roekelose bestuurders, ontvoerders en skurke wat hulle wil leed aandoen. Ja elke generasie het sy goeie eienskappe gehad en vir ons was dit die beste want ons het goeie herrineringe daarvan. Maar kom ons gun hierdie generasie ook die beste, kom ons hou op om hulle af te kraak en probeer hulle eerder opbou en die beste lewe gee wat moontlik is met ons huidige omstandighede. Dis nie die generasie se skuld dat hulle nie die dinge kan doen wat ons kon doen nie, dis die vorige generasie sin. So kan ons blaam sit op elke generasie agtertoe. Kom ons groei weer saam met hierdie generasie jongmense en leer wat dit is wat hulle moet weet. Kom ons hou op om die pendilum alewig te ver heen en weer te swaai en vind die ritmiese harmonie van die middel. Kom ons hou op blaam rondskuif en vingers wys en dink ons was/is beter en help om vir ons kinders ‘n goeie gelukkige toekoms te kan skep, vandag, nou ………… terwyl ons nog ‘n kans het.

 

 

3 thoughts on “‘n Generasie gaping

  1. Ek is nader aan sestig en kry baie gereeld te doen met millennials wat tegnologies gestremd is. Speletjies en vermaak verstaan hulle, maar hoe die goed regtig werk, sal hulle net nooit weet nie. Ek wil eintlik blog hieroor maar werk regtig baie hard en kry nie kans nie. As ‘n 18-jarige nie weet hoe om ‘n ringtone te verander op WhatsApp nie, is dit laat in die dag.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s