Tags

Om sosiaal aanvaar te word is essensieel, of jy 2 jaar oud of 80 jaar oud is. Alles in ons lewe is sosiaal. Jou status hang af van waar jy bly, jou motor, jou vriende en hoe slim, oulik en mooi jou kinders is. Maak nie saak in watter omstandigheid jy jouself bevind nie, daar is altyd ‘n status geheg aan jou.

Daar is tot deesdae ‘n skoolvak sosiologie, net om ons te leer hoe om aan te pas by ons sosiale kultuur en leefstyl. Ons hoor so baie van mense wat verwys na hulle self as Anti-sosiaal. Maar tog behoort almal aan ‘n tipe van sosiale orde, hetsy deur die werk, skool, woonbuurt, familie en vriende. Elkeen het sy plekkie waar hy hoort of dink hy hoort.

En dis hoekom die woord FOMO ontstaan het “FEAR OF MISSING OUT”, dit beskryf meeste sosiale situasies, die vrees dat jy dalk iets gaan mis. Ek dink dis hoekom sommige mense ontdekingsreisigers kan word want hulle het hierdie brandende begeerte binne-in hulle om nuwe plekke te verken, en nie uit te mis op iets wat nog nie bekend is nie. Daar is altyd ‘n handjie vol mense wat anders is, wat sukkel om by die massa te pas. Wat wil ontdek en ondersoek en ondervra, wat nie die populere opinie het nie, maar wat soms die regte ene het. Soos die mense wat die ruimte verken. Dis vir hulle so belangrik om nuwe dinge te ontdek dat hulle nie eers omgee om ooit weer terug te keer na die aarde toe nie. Dis dedication, dis groot, en dis nodig, want sonder sulke mense sal ons nooit weet wat daar buite is nie.

Sosiaal vermy ons die groot onderwerpe want sê nou net die mense judge my, net omdat ek anders is, net omdat ek ‘n opinie het wat anders is. Ons wil uitstaan en raak gesien word, maar is te bang daarvoor. Jy is geregtig om ook ‘n opinie te hê, jy is geregtig om te kan praat oor die groot goed, om te dink oor die groot goed, om tê sê jy voel anders. Dis ok, dis goed. Want dit beteken ons begin evolve en dink en verander, want ons kan nie meer dieselfde mense wees as wat ons 100 jaar terug was nie.

Ons kinders moet nuuskierig wees en bevraagteken want dis hoe ons vooruitgaan. Ons moet dink, en lees en ondersoek en nie meer selfsugtig lewe en bang wees vir wat ongemaklik is nie. Ons het nie nodig om bang te wees vir ons emosies nie, hoe is ons dan anders aanmekaar gesit, ons is emosies en ‘n liggaam, en ons hoef nie ander mense te forseer om te dink soos ons nie, al staan jy alleen, jy staan vir dit waarin jy glo. Maar in dieselfde opsig moet ons ook weet wanneer om te luister, en wanneer ek verkeerd is, informasie is mag. Gebruik dit tot jou voordeel.

“Education is the most powerful weapon which you can use to change the world.” -Nelson Mandela

Advertisements