Tags

In griekse Mitologie is daar ‘n legende van Pandora, Pandora het ‘n houer by Epimetheus gekry en was so nuuskierig dat nadat almal haar waarsku het, het sy nogsteeds die houer oopgemaak. Wat sy gevind het was aaklig, dit was lelik, dit was alles wat sy nie wou gehad het nie. Haat, siekte, jaloesie en dood. Na sy die boks oopgemaak het kon sy dit nooit weer toemaak nie, en die wereld was gevul met al die lelike goed. Maar klein was die laaste stukkie in die boks weggesteek en alleen,…….. en dit was hoop.

Wanneer jy niks meer oor het nie, het jy nog altyd hoop. Hoop is iets wat jy bemin en eenvoudig net nie kan vergeet nie. Maak nie saak hoe sleg jou situasie is nie, daar is altyd hoop dat more beter gaan wees, dalk gaan iemand my red, dalk gaan ek gesond word, dalk gaan ek die lotto wen, ek hoop om gehoor te word, ek hoop om gesien te word, ek hoop.
En dis die ding van Pandora se boks, as hy oop is, is hy oop. Jy moet met die goed wat by hom uitkom “deal”.

So sit ek verlede week in die dokter se spreekkamer, daar is ‘n knop in my bors. Ek is 38 my kinders is nog hopeloos te jonk om sonder ‘n ma te moet wees,en ek is hopeloos te jonk om aan die dood te moet dink. Maar Pandora se boks is oop en ek moet daarmee “deal”. Na ‘n hele klomp toetse ‘n scan en ‘n mammogram later, word dit vasgestel ek het net ‘n cyst. Ek huil in my hospitaal cuppachino. Manlief bel elke halfuur om te hoor of ek al weet wat aangaan. Die tipe verligting wat ek voel kan ek nie in woorde vir julle beskryf nie, my ouma moes albei haar borste verwyder as gevolg van kanker. So daar is trane van verligting, want daar die hoop wat ek in my Pandoras boks gevind het.
Dis soms moeilik om vir mense te verduidelik die tipe vrees waarmee mens leef as jy al mense in jou familie afgestaan het aan kanker. Dis iets wat mens nie aan wil dink nie, maar steeds in jou agterkop bly die wete dat daar ‘n defek in jou DNA is. Jy probeer so gesond as moontlik leef en so positief as wat jy kan.

Hoop word deel van jou DNA, want jy kan nie anders nie. So ek wil vir elkeen van julle sê maak nie saak waarmee jy moet “deal” nie, wat jou Pandora se boks opgelewer het nie, daar is altyd hoop. So stap ons hierdie pad, een trappie op ‘n slag. En ek hoop dat elkeen op hierdie pad vind wat jy nodig het. As ons niks anders oorhet nie, het ons nog altyd hoop.

Advertisements